خوری نئ جز ائ که دلنگرونم

خدا دونه که تا کی زنه بمونم

نه حالی سیم منه نه روزگاری

چنو اُفتامه و غریوی و و زاری

چنو دلتن که تش ها ده جونم

که نتونم گری آروم بمونم

چی بکم دی روزا دسم پتینه

بی تو خنه ری لووم نمی نشینه

خوری نی بجز ایکه یه لیوه

هنی هم چش ورت ها میگریوه

	سه شنبه 14 اسفند1386 ساعت: 1:49	توسط:رضا
این شعر از استاد شعر لری حشمت اله شفیعیان است.
وب سایت   پست الکترونیک
کر لر:با تشکر از این دوست گرامی

تقدیم به تمامی بختیاری زبانهای عزیز

دی بلالم دی بلال سوز تیه کالم دی بلال

                                 دی بلالم دی بلال ، بل مو بنالم تو منال

سه چیه قیمتیه ، قدرش ندونیم دی بلال

                             شوو مه ،فصل بهار ، عهد جوونی دی بلال

بلال بلالم وای ، های بلال بلالم وای

                                    بلال بلالم وای ، های بلال بلالم وای

چه خوشه اسب قزال ،زین برگ روسی، دی بلال

                          چه خوشه بازی کنیم با نوعروسی ،دی بلال

دی بلالم دی بلال، سوز تیه کالم دی بلال

                                دی بلالم دی بلال ، بل مو بنالم تو منال